॥दोहा॥ श्री रघुबीर भक्त हितकारी । सुन लीजै प्रभु अरज हमारी ॥ जय जय जय रघुनाथ कृपाला । सदा करो संतों प्रतिपाला ॥ दूत तुम्हार वीर हनुमाना । जासु प्रभाव तिहुँ पुर जाना ॥ तव भुजदण्ड प्रचण्ड कृपाला । रावण मारि सुरन प्रतिपाला ॥ तुम अनाथ के नाथ गोसाईं । दीनन के हो सदा सहाई ॥ ब्रह्मादिक तव पार न पावैं । सदा ईश तुम्हरो यश गावैं ॥ चारिउ वेद भरत हैं साखी । तुम भक्तन की लज्जा राखी ॥ गुण गावत शारद मन माहीं । सुरपति ताको पार न पाहीं ॥ नाम तुम्हार लेत जो कोई । ता सम धन्य और नहिं होई ॥ राम नाम है अति सुखदाई । संकट काटै मिटै बुराई ॥ जो यह पाठ करे मन लाई । तापर कृपा करैं रघुराई ॥ जनम जनम के पाप नसावै । अंत समय बैकुंठ सिधावै ॥